????
زائر
 | موضوع: احلى كلام عاطفى بنسمعه الايام دى  الجمعة ديسمبر 18, 2009 4:08 pm | |
|
حبيب قلبى,, روحى,, نور عينى,, واحشنى يا غالى,, انت فينك يا قمر,, والنعمة الشريفة بموت فيك,,
الكلام الحو ده كله مكنش فى قاموسنا اليومى قبل كده
والكلام ده مش بيقولوا راجل لست او ست لراجل
لا راجل لراجل وست لست واى حد ممكن تقابله يقوم رازعك طقم حنية كده من غير اى مناسبة
وساعات من غير سابق معرفة
الشىء الغريب ان شلال الكلام الحلو ده وتعبير الحب الفظيع ده
جاى فى وقت الحب فيه انتهى تماما والناس مبقتش طايقة بعضها
والحقيقة ثورة الاتصالات والموبايلات اخترعتلنا وسائل جديدة للتعبير عن الحب
رنات ومسجات جاهزة يا دوب تتدوس سند ووصلت يا باشا
وكلنا طبعا فاكرين عبد الحليم حافظ ولبنة عبد العزيز فى الوسادة الخالية
ومكالمات التليفون اللى كانت شغالة بينهم طول الليل
ولبنة بتقوله بصوتها اللى يدوخ ( اقفل بقى يا صلاح )
وصلاح مش عاوز يقفل
كانت بتقول ياصلاح بطريقة خاللتنى اروح السجل المدنى عشان اغير اسمى
كان نفسى يبقى اسمى صلاح من حلاوة صلاح اللى بتقولها
وطبعا عبد الحليم ولبنى كانوا بيتكلموا بالساعات من غير اى مشاكل
عشان مصلحة التليفونات ايامها كانت بتدى فلوس للى يتكلموا فى التليفون
عشان يشجعوا الناس تتكلم
هنستعرض لبعض قاموس لالفاظ عاطفية جديدة دخلت حياتنا بعد ظهور الموبايل
تلاقى اللى بتكلمك فى نهاية المكالمة بتقولك يالا باى
ايه يالا باى كانها مش قادرة تسيبك انما يالا باى يالا باى
وبعدين طلعت حاجة جيدة سى يووو بقى ايه سى يووو دى
خدوا دى جديدة برده فى نهاية المكالمة بعد يالا باى وسى يو والحاجات دى
وفجاة قبل مهبد السماعة فى وشها الاقيها بتقولى تيك كير بقى تيك كير
ايه تيك كير دى هى بتكلمنى وانا بتسلق جبل المقطم وخايفة اصل اقع على جدور رقبتى
ولا انا رايح اتخانق مع جماعة فى الدويقة واحتمال اروح ومرجعش
كده فى المطلق خللى بالك من نفسك طيب اتييك كير من ايه
ظاهرة تانية دى غيظانى شوية لو بتتصل بى واحد وارد عليها واقول الو
تقوم هى مخضوضة على طول وتقولى مالك صوتك مش عاجبنى طمنى عليك
انا مقولتش غير الووو
احلفلها انى كويس جدا ومفيش اى حاجة
وطبعا هى مش مصدقانى فكرانى مخبى عليها المصيبة اللى انا واقع فيها
بليز قولى متخبيش علىّ حاجة
ايه القصة يا جماعة والتعمة مافيه اى حاجة
ولازم طبعا اجارى مشاعرها عشان هى مخضوضة لازم يكون عندى انا كمان حاجة تخض
امال اسيبها تتخض عالفاضى كده
مفيش اصلى عندى بس شوية انفلوانزا تقوم مصرخة مع انى كنت بطمنها
ومروحتش للدكتور لحد دلوقتى انت لازم تعمل تشيك اب لا يمكن
الولية دى بتصوت على مين
انا بقولها عندى انفلوانزا عادى مش انفلوانزا الطيور
وعلى كده على طول بقيت شايف اللى حواليا نازلين حب فى بعض وخوف على بعض
كل الكلام حلو كل الاحضان دافئة كل اللقاءات سبايسى
لدرجة ان احنا مش مكفينا عيد حب واحد فى السنة
عندنا اتنين فلانتين واحد فى فبراير وواحد فى نوفمبر
امال نودى الحب اللى عندنا ده كله فين
وفى الافراح تلاقى المعازيم نازلين رقص
والعروسة والعريس فى منتهى السعادة بحب الناس
بس قرب انت جمب اى طربيزة ولمع الاوكر (اسمع يعنى)
هتلاقى اللى قاعدين نازلين تقطيع فى فروة العريس والعروسة واهلهم
ولو دخلت عزى تلاقى المعزيين نازلين عياط ونهنهة
لدرجة انك متعرفش اللى مات ده اصلا قريب مين
قرب كده شوية ولمع الاوكر تلاقى اللى كان حاطط راسه فى ايده ونازل نهنهة
بيقول للى جنبه فى الصيوان سمعت اخر نكته
حب حب حب
فى كل حته حب فى الكافيهات فى الشارع فى النوادى فى المصالح الحكومية
مش شايف قدامى غير عشاق ونظرات وتسبيل وعواطف
يارب شوية كراهية بقى الحب مالى البلد
يالا باى سى يووو تيك كير بقى تيك كير بليز اعملوا اتشيك اب عشان انا قلقان عليكوا صوتكم مش عاجبنى خالص
دى كانت فى برنامج تليفزيونى بس مش فاكر هو ايه فحبيت اننا انقلها ليكو علشان خاطر نفرفش مع بعض
|
|
انا مش هنا
عدد المساهمات : 653
تاريخ التسجيل : 25/10/2009
العمر : 33
| | موضوع: رد: احلى كلام عاطفى بنسمعه الايام دى الإثنين ديسمبر 21, 2009 3:06 am | |
| ههههههههههههههههههههههههههههه
عندك حق ياصلاح ههههههههههههه لسة هتروح للسجل المدنى وياعالم هتلاقى الراجل اللى بيغير الاسماء ولا لا
يلا نقولهالك من غير سجل مدنى
انا عارفة اية دة حاجات اخر زمن بقا ياصلاح سيبك انت مافيش احلى من ايام زمان وكلام زمان ياصلاح ههههههههههههههه | |
|
زائر
عدد المساهمات : 1286
تاريخ التسجيل : 17/09/2009
الموقع : اذا خانك من تحب فلا تحزن ... بل انتظر حتى يعطيك ظهره واكتب عليه كان بامكانى الخيانة !!.. ولكن اخلاقى لا تسمح لى بهذه الاهانة
| |
انا مش هنا
عدد المساهمات : 653
تاريخ التسجيل : 25/10/2009
العمر : 33
| | موضوع: رد: احلى كلام عاطفى بنسمعه الايام دى الإثنين ديسمبر 21, 2009 4:21 pm | |
| اية يامرمورة بس ربنا يكتر من الفلانتين ازاى بس
والشعب بيتة يتخرب كدة هههههههههههههههههههههههه
وبعدين صلاح عندة حق يامرمورة رقة اية بس انة يقولها الو هى ترد تقولة مال صوتك ياحبيبى هههههههههههههههههه بس سبحانة اللة عرفت الى عندة من كلمة الو بس هههههه | |
|
الحياه تجارب
عدد المساهمات : 376
تاريخ التسجيل : 14/01/2010
| |
انا مش هنا
عدد المساهمات : 653
تاريخ التسجيل : 25/10/2009
العمر : 33
| | موضوع: رد: احلى كلام عاطفى بنسمعه الايام دى الثلاثاء يناير 19, 2010 10:45 am | |
|
تكير كير اية بس يانوفا انتى هتكركرى ههههههههههههههههههههههههههههههه
وبعدين ياحبيبتى انا علمتك ميت مرة وقولتلك مش تقلدى حد ولا تسمعى كلمة تكركريها
قصدى تكراريها
كوكو: ميرسى على مرورك ياخوخة واضافتك الجميله ودايما كدة منورة المنتدى ومنورة المواضيع بردودك
هههههههههههههههههههههههههههه
خوخه:ميرسى ياكوكو ربنا يخليك انا عارفة ان انا منورة ههههههههههههههههههههه
| |
|
كير يا بيبى محنا من الشعب بقا وحافظين