كل سنه وانتم طيبين واحنا بنعيد ذكرى ميلاد يسوع الرب الامين
ذكرى بتجدد كل عام ولكن تاثيرها معانا كل الايام
احلى احتفال على مر العصور ميلاد الفرح والبهجه والسرور
سلام على الارض ولكل الناس لانه اتحقق الوعد وبقى منظوور
واتحقق الحلم اللى انتظرناه سنين والفرح هيكون لكل اسير
اشرق الرب بوجه بنور وجه للارض متجسد فى صوره طفل صغيورر
طفل فى مذود موجود حواليه غنم ومواشى كتيررر
ولكنه مش شخص عادى ده هو الملك يسوع القدير
واحنا بنتذكر ميلاده وكلنا موجودين حواليه ما احنا اولاده
يسوع بيقول ذكرى ميلادى مش الاحتفال ولا اللبس ولا بكتر الاقوال
ميلادى يعنى حيااه تتجد فيكم وتكونى قريبين من صورتى
وتكون حياتكم فيها تجديد لمعنى الميلاد الحقيقى والهدف من وجودى
اكون انا اول اهتمامتكم لانى فى عيد ميلادى بكون بعيد عن اولوياتكم
وتنسوا ان ده عيدى وتهنوا بعض وببقى وحيد فى حفله عيد ميلادى
الميلاد يعنى اكون جواكم باستمرار مش بس فى المناسبات لكن يكون اسلوب حياه
وتشتعل نيران حبى فيكم فتفيض لكل الناس اللى حواليكم
وتستمر النهضه جواكم من يوم خلاصكم لحد ما القاكم
ويكون عيد الميلاد ذكرى جميله فيها بنجدد العهود
ونبتددى سنه جديده فيها هو الملك اللى بيسوووود
وتكون حياتنا شبه ليه لما يجى يتولد فينا
لم فى صلاتنا نناديه وتكون عليه دايما عيوننا
وفى خدمته نكون مخلصين وبيسوع نكون شبعانيين
ساعتها هيبقى الميلاد تجديد وحب وغفران
ويكون معنى الميلاد ظاهر ومالى الحياااه
