????
زائر
 | موضوع: ماهو الحب ؟  الجمعة يناير 01, 2010 7:34 am | |
|
ماهو الحب ؟
و ماهى صفاته ؟
و هل الحب ضرورى فى حياة الانسان ( إيه شكل الحياة من غير حب ؟ ) ؟
.دى أسئلة لقيت نفسى باسألها بس مش لاقى عندى إجابة على الأسئلة دى
بصراحة أنا عشت حياتى و عندى شعار واحد و هو
" Be serious "
يعنى وقت الدراسة يبقى دراسة ، و وقت الاجازة يبقى تحضير للخطوة اللى جاية فى حياتك ، و فجأة بعد ما إتخرجت و إستقرت حياتك تلقى نفسى بتسأل ( طب قلبى هايفضل فاضى على طول ؟؟؟؟؟؟؟؟؟ ) أنا نفسى أملا قلبى بالحب بس ( إزاااااااااااااااااااااى ؟ ) و ده كمان سؤال طب و بعدين ، أنا ماكانش فى بالى إنى ممكن يوم أبقى محتار كده ، قولت لنفسى طب علشان أدخل فى الحب لازم أعرف عنه كل حاجة قبل مادخل فيه ، و سألت الناس اللى أعرفها إيه الحب ؟ و كانت الردود متوفرة و بكثرة
( الحب هو إحساس بيعيشه الانسان وبيخليه مبسوط و بيخلى القلب ينبض بسرعة حبتين )
و لما دورت على مواصفات الحب الحقيقى ( ماهو أنا واخد الموضوع جد بقى و مش فاضى للتسلية لقيت مواصفات و منها إنك لما تكون بتحب بجد
بتبقى مشتاق دايما تتكلم مع اللى بتحبه
عاوز تقرب أكتر من اللى بتحبه
الاحساس بالأمان مع اللى بتحبه
بتفكر فى اللى بتحبه كتير و ممكن تنسى نفسك و انت بتفكر فى اللى بتحبه
إنك تفهم اللى بيحبك حتى من غير ما يتكلم ( تفهم صمته ، تفهم تعبيرات وشه أو جسمه عموما ) كل تصرفاته
إنك تعرف الوسيلة للتقرب للى بتحبه ( تعرف بيحب إيه و تعمله ، تعرف بيكره إيه و ماتعملوش ) وكمان
تحس انه غير فيك حاجات كتير و عمل منك إنسان جديد
تدور بينكم على الصفات المشتركة
الوقت اللى بتقضيه مع اللى بتحبه بيجرى بسرعه و بتبقى حاسس إن الساعة بتجرى بسرعة عن أى وقت تانى
بتخاف على شعوره
سهل تضحى بحاجات غاليه عليك علشان اللى بتحبه من غير ماتحس أو تفكر بالتضحية و قيمتها لانه بيكون أغلى عندك
تفرح لفرح الى بتحبه و تتألم لألمه و تحاول تشيل عنه ألمه و تشاركه فرحه
بتحاول ترضى اللى بتحبه بأى طريقه
تحب تتكلم عن الحب اللى بينكم و مش بتخاف منه و لو إتكلمت بتتكلم بفرح
بتشوف اللى بتحبه كامل فى كل حاجة
فى غياب اللى بتحبه عنك بتبقى حاسس إنك غريب وسط الناس بتبقى حاسس إنك وحيد
مش بتضايق إنك تعتذر عن أى حاجة عملتها غلط فى حق اللى بتحبه
لما بتحب بجد و مثلا حصل موقف ضايقك من اللى بتحبه بتعاتبه ( العتاب هنا لأنك فعلا مش بتبقى عاوز تسيبه أو تفترقوا ، العتاب فى حد ذاته بيبقى دليل على الارادة فى إستمرار العلاقة مش إنهائها لأنك لو الشخص ده عمل حاجة ضايقتك و هوه مش فارق معاك هاتسيبه و تنفضله مش هاتبقى باقى على أى حاجة بينكم )
و حاجات كتير تانى بس عموما اللى عرفته ان لما تجتمع الصفات دى بيبقى حب حقيقى مش مجرد إعجاب أو تسليه
و بعد كده دورت على أهمية وجود الحب فى حياة الإنسان و لقيت الردود
من خصوصيات الحب أنه يمنحنا سعادتين
سعادة لما ثحب تحس ان حد بيحبك
وسعادة لما نكون نحب حد تانى
الحب بيدينا الشعور بالأمان, بالطمأنينة, بالنقاء ( من الحقد والكراهية و السواد الداخلى ) , بالثقة في النفس
و كمان الحب يمتد أهميته من هوه اللى بيضيف التوابل في حياتنا
الحب هو اللى بيخلينا نشعر بأننا جوه قلب اللى بيحبنا و محور إهتمامه , و كمان بتحس انك مهم للى بتحبه
الحب بيدى معنى لحياتنا
الحب هو الشيء اللى بيدي لينا الثقة للتحرك في الحياة
الحب مطلوب في كل مكان وفي كل مجال من مجالات الحياة
حتى لما بتدي الحب الحقيقى لشخص بتحس إنك أخدت قوة فى انك تعمل حاجات كتير ماكنتش فاكر انك تقدر تعملها
مع الحب ده بس نقدر على الإبحار من خلال الأوقات الصعبة في الحياة
|
|
ابن الموعد
عدد المساهمات : 215
تاريخ التسجيل : 27/12/2009
الموقع : https://st-maria.mam9.com
| | موضوع: رد: ماهو الحب ؟ الثلاثاء يناير 05, 2010 1:46 am | |
| | |
|
زائر
عدد المساهمات : 1286
تاريخ التسجيل : 17/09/2009
الموقع : اذا خانك من تحب فلا تحزن ... بل انتظر حتى يعطيك ظهره واكتب عليه كان بامكانى الخيانة !!.. ولكن اخلاقى لا تسمح لى بهذه الاهانة
| | موضوع: رد: ماهو الحب ؟ الخميس يناير 07, 2010 5:04 pm | |
| | |
|
