خلاصى من حبال عشقــــــــــــــك

عدد المساهمات : 199 تاريخ التسجيل : 03/01/2010

خلاصى من حبال عشقـــــــــــــــــــك

وقلت أرمى حبال الهمس جواكى ...

وأنساكى

لقيتنى جوة سراديبك وفيكى بأكون

كيان مجنون

وملهم سَرَقِت المسافات عناوينى

ساعات أشعر كأنك دنيتى الجاية

وغجرية بتلعن خيمة التجوال

أصلى جوّة شرايينك صلاة العشق

ويصبح عشقى مرثية من الترحال

بيحدفنى القدر وأنزل لقاع حلمك

واستشعر بتكوينى اللى متنطور

وأوصالى اللى مشبوكة كما الدقات على الاجراس

كما الدرك إللى ماتت فيه خطا الحراس

أحسبك سنبلة طالعة على راسى

أحسك جرح من كاسى اللى متكسر

وأنا وقلبى إللى متعثر

بنسأل فيكى عن عنوان

ورغم العشق والتغريب

بانادى على المدى طيفك فى هذيانى

وبلسانى الحروف بتشيب

وقلت أنساكى كام مرة

لكنى ضعيف فى نسيانى

لأنك صورة محفورة على جبينى

وقتلانى

أسافر فيكى وأتعافر

أحنن طوقك الكاتم على حلقى

وأحرر نفسى من طيفك وتطويقك

ألاقى حبك القضبان

والاقى عشقك السجان

ما يرحمونيش

ولا ترحمشى كًرّاسى

حروف اسمك من التدوين

وأهرب منك ألقانى

حبيس تانى

ومغلول القدم وأنتِ اللى أسرانى

ومتعلق لآخر العمر فى توبك

مع إنى حاولت أكره

لكنك إنتى إللى كارهانى

(بقلمى)

ربنا ميجبش كرهه ويذيد المحبه وتحس بيك ههههههههههه

ميرسى رائع جداا