نزيف الحب الصامت

عدد المساهمات : 199 تاريخ التسجيل : 03/01/2010

نزيف الحب الصامت

للبحر سحِر الغربة فى ضلوعى
وللنوارس سماها الغايرة فى الوجدان
يا صاحبى طعم الوجع على ضرسى متكسر
إيه فايدة الحزن لو كات العلل أكتر
كل المدن غربتى فى النفس عايشانى
وللفصول الميّته جرحى القديم ف الروح
أغوتنى ليه تانى
شوفت المشاعر وطن والشعر وجدانى
صحيتنى من غفوتى على نصل سكينك
أنا اللى شبّت قدرتى فطينك
وصل صراخى للسبع سموات
لما ابتليت بالشوك من وردك المغدور
إياك تلومنى إنى مسمعتكش
وانت جبال الوجع والضل والأحزان
إزاى أعكّر بكارة نهرك الصافى
وأفك عقدة لسان طيفك بألوانى
أغويتنى ليه تانى ..؟
وتركتنى لاحتمال الشك والغوايات
طلَقَت خيلى للمبيت فى الظل
رجعتهملى تلفنى الطواحين
لننّ عين الشمس تحدفنى نسيم
سيّال عروة قميصك ما بقتش بتسعنى
كان ليه تبعنى بناس تانيين
تبذر بذورى فأرض رافضاكى
تفرط ف آخر عقد يربطنى بسماك
كان مين معاك ..؟
لما سقيتنى الوهم من وجع القصيدة
وصلبتنى فى عز الشتا
أتحمى من دمع السنين
أنا قد ايه محتاجلك
محتاج أدوب فيكى
يا مضفّرة دمى بنزيف البرتقال فستان
محتاج لصوت نخيل يهزّ جذع الليل
على صدر الملايكة حروف
يبدر ناياته البهجة فى سدرى
ويشق للمكلومين طاقة أمان للشوف
عطرك كأنه مواسيم الغلّة
وانا إللى فاقد حصادك من سنين عاجفين
مين إللى يفرش طريقك عطره من الجنة
يجدل ضفايرك عقد من الياسمين
كان نفسى أحنى جبينى بطرف فستانك
أرمح فى كونك وأملك الملكوت
لكن الشوارد بتنصب حبل مشنقتى
لما ابتسامتك بترسم شفتين ناشفين
عطرك كأنه مواسم الغلة
وأنا إللى فاقد حصادك
من سنين عاجفين

زائر

عدد المساهمات : 154 تاريخ التسجيل : 02/09/2009

عدد المساهمات : 238 تاريخ التسجيل : 17/01/2010

ما اصعب ان تنزف وتتالم وتشتاق وتحب بصمت

ويظل كل هذا يكبر فى قلوبنا ولكن بصمت
ما ادراك بالم كل هذا
ولكن الاكثر قمه من قمه الالم هو ان نزيف الحب الصامت
كلمات يتدفق منها معانى جميله اوى يا فردوس

اتمنى لك مزيد من التالق

» قصر الحب
» ليس من يتكلم عن الحب ... كمن يتألم من الحب
» حكاية الحب .............
» اذا ذهب الحب حل الشقاء
» قيل عن الحب