دوس فى اللماضه

* لما تسأل واحد وتقول له اقول ولا ماقولش ...
يقول لك قول .. قول له قول و طعميه



* لما تسأل واحد وتقول له صح ولا غلط ...
يقول لك صح .. قول له صح النوم

* لما تسأل واحد وتقول له الكلام دا حصل ...
قال لك حصل .. قول له حصل وطحينه

* لما واحد يقول لك انا جيت نورت البيت ..
قول له لا دا نور السطوح

* لما تسأل واحد وتقول له دا احلى ولا دا ... وقال لك سيان ..
قول له سيانى بتوجعنى انا لازم اروح لدكتور السيان

* لما واحد يقول لك صباح الخير ..
قول له صبااااح اللى بتغنى ولا صبااااح الدين الايوبى

* لما تسأل واحد ايه رأيك فى حاجة ...
وقال لك جامده .. قول له جامده برباط

* لما تلاقى واحد لابس شيك كده او عامل حاجه حلو ...
قول له ايه الحلاوه ديه حلاوتك ديه ولا حلاوه الرشيدى الميزان

* لما تلاقى واحد شكله حلو ..
قول له جمالك دا ولا جمال الدين الافغانى

* لما واحد يقول لك انه بيعمل حاجة ومش راضيه تتعمل ..
قول له ما انت فقر آه فقر و قطه

* لما واحد يسألك انت فين ؟
قول له انا فى العلبه وعلبه مكتوب عليها صحتك فى العلبه ديه
حليب مصفى لآخر قطره

* لما واحد يسألك انت مين ..
قول له بتاع الميلامين الجامد و المتين

* لما واحد يقول لك طز فى اي حد ..
قول له طز بلبن

* لما واحد يقول لك دا انا مفيش زايي و احنا اللى دهنا الهوا دوكو ...
قول له احنا اللى عملنا الهوا كروهات
و لبسنا السمك مايوهات
و خرمنهالو لما حبينا نغرقو