القلب نجيس جداااااا مين يعرفه غيرك
والفكر شرير ومليان بظلام العالم ومفهوش نورك
والعيون مش شبعانه ولا ليها حدود للارتواء
وانا كرهت الحياه لانى بضعف دايما وبهينك يا الله
مش بعرف ارضيك كل اللى فى فكرى دايما ضدك
وكل ما اجى اقرب ليك القى حاجه بتاخدنى بعيد عنك
هو اشمعنى انا اللى محتار ودايما عايش خلف الاسوار
الكل شايفنى قديس وحدك بس تعرف انى نجيس
مش عارف اقولك كلام اصلى انا دلوقتى بانهار
لانى حاسس انى بره البيت ومفيش امل انى هكمل المبيت
اقبل الاعتذار ورجعنى لحضنك واقبلنى عبد ليك فى الدار
وخلينى اكون قريب منك ولا تبعدنيش عنك ابدااا افكار
اشمعنى انا اللى عنك ببقى غريب يمكن لانى مش بعرف ارضيك
او لانى مش شايف نورك او لانى مش بقعد فى محضرك او لانى مش ليك
انا عارف نفسى حقير دا مش مبالغه دى الحقيقه لانى عن دربك بميل
اقبلنى وبرحمتك اشملنى وادبنى بس ارجوك اوعى عنك تبعدنى
استخدم عصاك او عكازك استخدم حبك او دمك المهم انى مبعدش عنك
ايون خطيه واحده محصرانى طوول اسنيين وغيرها الوف بل ملايين
معنديش اعمال توفيك ولا حاجه حلوه تخلينى اثق واتقدم ليك
لكنى على حساب عمل الصليب والنعمه اللى قبلتنى ابن ليك
هارجع وانسى دموعى واتقدم اليك وهكمل معاك وهاذكر من اين سقطت وهاخضع ليك
ومش هبقل اى صوت لا الياس ولا الشيطان ولا هصدق فى فكر ابليس ولا انى عندك رخيص
دانا غالى حتى لو شرورى مليانى بس انا ابن ليك قدسنى فى دمك واجذبنى اليك
واضع حد لسقطاتى وخلينى امين معاك اللى جاى من حياتى
انا كشفت نفسى ليك مانا مكشوف اصلا امام عينيك
وكشفت نفسى قدام اصحابى لانى بثق فى ستره خلاصك
