????
زائر
 | موضوع: تعذية صغيرة  السبت يناير 30, 2010 5:33 am | |
|
الساعة لسه11
وانا جوه الكنيسة..
الناس زحمة شوية
والدنيا برد عليا
واللي مطمني ومفرحني..
لمة عيد وخروجة حلوة ولبس جديد وعيدية
رن تليفوني بترنيمة
(اوعي تفكر اني نسيتك)
وصلتلي رسالة من اخويا
بيقوللي انا بالعيد هنيتك!
وف بيتنا..
امي كانت بتحضرلي احلي فطار
مستنية رجوعي ليها
بفرحة حلوة بتملا الدار
خلص القداس
لملمت اماني حياتي..
خرجت من باب الكنيسة
رايح لاهلي واخواتي
علي غفلة..
صادفتني رصاصة خاينة
ف الزحمة ماكنتش باينة
وقعت..
والدم كان نازل مني
مش لاقي حد يطمني
حاولت اقوم..
جرحوني تاني
صرخت ااااااااااااااااااااااااااه
بكل كياني
عافرت..اتسند علي ايدي
ملقتش غير رصاصة تالتة قتلتني
وقتلت بهجتي وعيدي
الدم جنبي وحواليا
جثث كتير مترمية
وااااااااااااه
اه علي موتة الفرحة
واهين علي موتي واستشهادي
ومليون اه علي بلادي!!!
هنا كانت الارض بتضحك
وبلالين كتير متعلقة
امتي افوق من ده الكابوس..امتي بقي
ويا دموع عنينا بلاش
بلاش تنزلي
ويا اهات قلوبنا ماتوجعيناش..
استحملي
يا امي ماتزعليش
وغلاوتي ماتدمعيش
انا مش بموت..بالعكس بعيش!
خديني ف حضنك ضميني
وامانة عليكي يا ست الكل
الدنيا برد
غطي اصحابي وغطيني
جسمي بيوجعني....
طب مين هيقدر يداويني
دلوقتي حاسس اني بطير
رايح سمايا
فارد جناحي وناسي بكايا
شايف يسوع مستني لقايا
وسامع صدا صوت بيقول..
كيرياليصون-كيرياليصون-كيرياليصون
يارب ارحم -يارب ارحم-بارب نيحهم امين
انا ماشي..
سلميلي علي اخواتي
وعزي كل المسيحيين
غمضي عنيا بايديكي..
وياريت وانتي بتدفنيني ماتوجعيش من تاني جروحي
كيرياليصون-كيرياليصون-كيرياليصون
والله ينيح روحي
|
|
المنارة
عدد المساهمات : 6
تاريخ التسجيل : 30/01/2010
| | موضوع: رد: تعذية صغيرة السبت يناير 30, 2010 6:53 pm | |
| انا كان اللة معنا فامن علينا
ميرسى ياكوكو | |
|
NOSA
عدد المساهمات : 888
تاريخ التسجيل : 28/11/2009
الموقع : بعيد عن الناس الرخمه
| | موضوع: رد: تعذية صغيرة الأحد يناير 31, 2010 4:10 am | |
| ليه بس كدة يا كوكو الله يسمحك خلتنى ابكى بس اللى عذانى انهم فى حضن المسيح شهداء منتصرين ميرسى يا كوكو ربنا يرحمنا برحمته | |
|
