زائر
عدد المساهمات : 1286
تاريخ التسجيل : 17/09/2009
الموقع : اذا خانك من تحب فلا تحزن ... بل انتظر حتى يعطيك ظهره واكتب عليه كان بامكانى الخيانة !!.. ولكن اخلاقى لا تسمح لى بهذه الاهانة
 | موضوع: ! ஜ .¸¸ ﬗm كلمات اصلها قبطى mﬗ ¸¸. ஜ  الأربعاء فبراير 03, 2010 3:32 am | |
|  كلمات اصلها قبطى و لا نعلمها
لو بس أمسكه إبن الإيه
لفظة "إيه" هى لفظة قبطية. "إيه" بمعنى بقرة أو عِجل ، فكأن معنى العبارة "لو بس أمسكه إبن البقرة! "
إتمرمط آخر مرمطة
وكلمة "مرمطة" قبطية قديمة "مارماتا" بمعنى ألم ،وجع , وترادف ايضاً "بهدلة" فنقول "فلان إتمرمط آخر مرمطة" بمعنى قاسى كثيراً، كما نقول "فلان شغال مرمطون".
هوس اسكتى مش عاوز أسمع ولا كلمة
وكلمة "هوس" قبطية بمعنى يغلق ، يقفل وليس يسبح كما يدعى البعض – والمقصود اقفل فمك , ومن الكلمة جاءت "هويس" وهو عبارة عن ألواح حديدية تقفل على مأخذ المياه للترع
فلان ده بــِلـــِـــط
ما أكثر البلطين اليوم ، فنحن نجده فى كل مكان ، وكلمة "بِلِط" هى كلمة قبطية من "بيلتى" وتعنى "مِـقعـَدة الجسم" , فيكون المقصود بالكلمة انه كثير الجلوس أو كسلان ومنها إشتق التعبير "فلان مبلط فى الخط" بمعنى كسلان ولايعمل, ويقول البعض على سبيل السب "فلان ده بلط بلاطة .. ياساتر
شوطة لما تشيلك يابعيد!
وهذه العبارة تقال على سبيل السب ، وأصل كلمة "شوطة" هو الكلمة القبطية "شووت" وتعنى كوليرا ، وباء ،الهواءالأصفر . وعادة تقال الشوطة عن الفراخ ، ويقابلها "الفِرة" للفراخ أيضاً
دول شوية أوباش
هل فكرت مرة أن تأتى بمفرد كلمة "أوباش"؟ بالطبع لنتجد لها مفرد لأن الكلمة فيما أظن هى جمع ومفرد فى آن واحد ، فهي مأخوذة من الكلمة القبطية "أوباش" وتعنى عريان ،صعلوك
إنت يا واد يا مِدَهوِل على عينك
والكلمة "مدهول" هى كلمة قبطية "متاهوول" وهى مركبة من مقطعين "متاهو" أى يرتب ثم تأتى "أوول" أى للخارج وهى تفيد النفى ، فيكون المعنى الكلى غيرمرتب أو مهمل ومن هنا جاءت الكلمات "دهولة" بمعنى إهمال وعدم ترتيب , و"يدهول" بمعنى يبعثر وهى أساساً من اللفظة المصرية القديمة "مدهى" وتعني مهمل
الواد ده مايص ويحب يمهيص
وكلمة "مهيص" هى كلمة قبطية "مهيوص" بمعنى مملوء سرعة وهى مركبة من "مه" بمعنى مملوء و "يوص" بمعنى سرعة أوعجلة , ومن المصرية القديمة "مح" بمعنى مملوء , و"أس" بمعنى سرعة , فيكون معنى العبارة أنه "مملوء بالسرعة أو بحب النط" أو كما نقول بالعامية "بيحب اللعب ومش بتاع شغل"ومن الكلمة أشتقت كلمات أخرى مثل "مهيصة" و "مهياص" بمعنى يحب المهيصة.
ربنا ما يحرمك من الهبل
وهو تعبير سب مستظرف يقال عندما يتغابى شخص أو يتصنع الغباء وأصل الكلمة يونانى "هابلوس" وتعنى بسيط ، ساذج , ومن الكلمة أشتقت الألفاظ "أهبل" أو "مهبول" بمعنى ساذج
و"يستهبل" بمعنى يدعى السذاجه ،و"إستهبال" بمعنى إدعاء السذاجه
والبعض يقول عن الهبل "هبالة" ، والبعض يقول عن الهبلة "هبيلة" ، ومن الأمثال فى الهبل، "دقوا الطبلة وجريت الهبلة" ، "رزق الهبل على المجانين" ، "هبلة ومسكوها طبلة"
فلان حياته هلس
وكلمة "هلس" من كلمة قبطية أصلها يونانى "هيلوس"، "هيلوس" بمعنى تلف ، فساد ، دَنَس
ومن الكلمة جائت لفظة "هلاس" بمعنى فاسد ، تالف ، دَنِس "
ما تعتمدش علية أحسن ده أتول
وكلمة "أتول" هى كلمة قبطية "أتول" وتعنى مغفل أوجاهل, والكلمة مركبة من "أت" بمعنى عديم وتستخدم للنفى ومن
"وال" وتعنى عين أو نظر , فيكون المعنى عديم النظر ومجازاَ
| |
|
هنت عليكى ؟!
عدد المساهمات : 199
تاريخ التسجيل : 03/01/2010
| | موضوع: رد: ! ஜ .¸¸ ﬗm كلمات اصلها قبطى mﬗ ¸¸. ஜ الأربعاء فبراير 03, 2010 9:29 pm | |
| ايه الجمال ده كله
ده الواحد طلع أهبل ومهيص صحيح
إيه الهلس إللى إحنا فيه ده
ربنا يبعدنا عن البلاطة والمرمطة
مشكورة مرمورة | |
|
