ليه سايبنى يا يسوع

الموضوع: ليه سايبنى يا يسوع

سألت كتير نفسي سـايبنى ليه يا يسـوع

وأزاى تسمح ليأسى يســـكن بين الضـلوع

وأزاى أكون أنا ليك وقــلبي أنا مـوجوع

تجارب العالم كويتني بنــارها يا يـــسوع

مشتاق أشوف أنا أيدك تــرشدني للـرجوع

يا بويا أنا مسـتني بصرخة قلـبي المــوجوع

ودمـوعي بقيت علامة لضـعفي يا يـــسوع

أمسح لي دمع عيوني وأروينـى من الـينبوع

من غيرك انا تايه في طريق من غير رجــوع

يارب ليه نسيني دا انا ابنك وقلبي موجــوع

وظنيت بأني وحــدي وفضلت أنادى ربـى

وفاجأه جاني صوت وقالي مالك خايف يابنـى

وبكيت بحرقه قلـبـي هو أنت فاكرني ياربى

رد عليا وقــالي ده ضعـف أيـمان يا أبنى

انا واقف هنا جانبك من قبل ما تنــده يابنى

خوفك عدم إيمان وتعبك ملوش مكـان

دا أنت في قلبي مهما طـال الزمــان

دا انا سمحت لك بالتجربه وطلعت غلبان

تبكى وتقول انا سيبتك بقى دا اسمه كلام يا انسان

اسيب ابنى يدور فى طواحين المكان

دا انا سميتك ابنى ودعيتك ليا يا انسان

وكرمتك واديتك نعمه تقوى الابدان

خليك فاكر ياابنى لو دورت فى اى مكان

ما تلاقى قلب يضمك غير قلب ابوك الحنان

ولوهاجت الدنيا حوليك انا واقف جانبك يا انسان

حياتك ليها عندى خطه اتقبلها بحب وامان

دا انا مت بدالك انت واتحملت كل الاهوان

واخره تقول انا سيبتك عيب عليك يا انسان

عدد المساهمات : 137 تاريخ التسجيل : 17/02/2010

جميلة قوى قوى بجد كنت محتاجة اسمع الكلام دة والاجمل ان ربنا مبينساش الانسان
لان قلبة كلة حنان ميرسى يقمر ربنا يباركك

عدد المساهمات : 376 تاريخ التسجيل : 14/01/2010

امسك بايدى يا رب انا عارفه انك حاسس بيا وبكل الناس وكلام جميل جدا مرسى نوسه يقمر موضوع جميل اوى وكانه ليا ربنا يعوض تعبك حببتى

ميرسى لمروركم يا قمرات المنتدى

» كيف نرى يسوع ؟
» يسوع المريح
» باراباس أم يسوع؟!
» لست أحبك يا يسوع .. بل أعشقك
» خطاب إلى باب يسوع