انا احبـــــــــــك يا ابنـــى

عدد المساهمات : 154 تاريخ التسجيل : 02/09/2009

فى واحد صحى الصبح و قعد يتأمل فى الشمس
جاه صوت فى ودانه ولقيه ربنا بيقوله
انت بتحبنـــــــــى ؟
قاله آه بحبك عشان انا ماليش غيرك

راح ساله تانى لو كنت معوقا هل هتفضل تحبنى ؟
فكر شوية و بص لايده ورجليه وقاله هو صعب بس هفضل احبك

رجع سأله تانى .. هل لو انت اخرس هتحبنى و تسبحلى ؟
فكر شوية وقال مش مهم ربنا مش عاوز صوت عاوز قلبى يتكلم
قاله اه بحبــــــــــك

سأله تانى لو انت اصم هتفضل تحبنى و تسمع كلامى ؟
فكر شوية و قاله آه كفاية انك فى قلبى

ساله تانى بتحبنى حقيقى ؟ قاله بصوت عالى آه بحبك
ساله ربنا لما انت بتحبنى ؟ ليه انت خاطىء
قاله عشان انا مجرد انسان
قاله ليه طيب بتبعد عنى ؟ لما يكون كل شى حلو حواليك بتبعد عنى
و لما تكون فى ضيقة تقف وتصلى
الشاب لما سمع الكلام ده بكى كتير و فضلت دموعه تنزل

سأله ربنا ليه مش بترنم فى الخلاوات و الاجتماعات
و ليه مش بتصلى فى وقت الصلاة ... و ليه بتقعد مع اصحابك كتير
و انا مش بتقعد معايا ...حتى لو دقيقة وحدة
فضل الشاب يبكى ... قاله ربنا لما بتصدفك مشكلة بتلجأ لاصحابك مش ليا
و ليه بتخجل قدام اصحابك منى ؟
فضل الشاب يبكى ...ربنا قاله بصوت حنين لقد باركتك و قدمت كل حاجة ليك
انا احبك يا ابنى ... لكن هل انت تحبنـــــــــى ؟

الشاب سكت مش قادر يرد يقول حاجة بعد الخجل ده كله
فضل يصرخ و يبكى و يقوله اغفر ليا يا يسوع
انا لا استحق ان اكون ابنا لك

الشاب سأل ربنا ... ليه انت بتحبنى و بتغفر ليا ده كله ؟
قالع علشان انت ابنى و بحبك و انا عمرى متخلى عنك
لما تبكى هبكى معاك .. لما تفرح هضحك معاك ..
و لما تكون محبط اشجعك .. ولما تسقط اقيمك
انا معاك على طول و بحبك الى الابد

فضل الشاب يصرخ و يبكى .. و قال ازاى انا كنت بعمل فيك كل ده و انت تحبنى الحب ده كله
الشاب سأله كم تحبنى يا رب ؟ فتح أيده و ضمه و قاله انا فديتك على الصليب
و جيت من اجلك .. من اجل كل البشر
ولاول مرة الشاب يصلى بجد و بدموع وقاله يارب

انا بحبــــــــــــــــــك اوى