نت وسيله مساعده للحب ....ولكن ؟؟؟

زائر

اى حب فى الدنيا بيبقي مبنى على اسس وانا هجيب ابسط الاسس ونطبقها على الحب ده
1- معـــرفه جيده(شكل -اسلوب-طباع)
2- صدق ومشاعر حقيقيه
3- توافق
نشوفهم بالتفاصيل بقي:

1- المعرفه

أ- الشكل:
انت تعرف شكلها؟؟ شوفت صورتها اه.... واثق منين انها دى صورتها !!
طب بالوصف يمكن مش وصف حقيقي
شوفتها يبقي كده نقطه
لكن لو مشفتهاش كده حاجه ناقصه من بدايه العلاقه
ب- اسلوب:
دى بقي هتقدر تحددها ازاى من الشات
نفترض شوفتها مره هتقدر تحدد اسلوبها ازاى مع اصحابها يمكن اللى بتعاملك بيه ده مش اسلوبها الحقيقي نفترض شوفتها كتير كده يبقي عرفت اسلوبها لكن لو مشفتهاش يبقي متعرفهاشواعرف انه مش حب
ج- طباع:
فى النت طبعا كل واحد بيحاول يظهر اجمل ما عنده ... انا مؤدب واخلاقى عاليه ومش بحط سيجاره ف بوقى وهو احتمال يكون مدمن اساسا انتى هتعرفى منين!!!!!!!
والطباع دى بقي مبتظرهرش من مره ولا اتنين دى لازم مواقف جامده ومحتاجه وقت
لكن لو مشفتوش اساسا ازاى هيبقي حب بجد !!!!!!
2 -صدق ومشاعر حقيقيه

أ- الصدق:
دى نقطه مهمه جدا فى اى علاقه على النت او بره لكن بره ممكن تحسيها من نظره عين من كلمه او من حركه لكن النت!!!!!!!!!!!!
ازاى دى بقي هتحسى الصدق ؟؟؟ لنفرض انكم شوفتوا بعض هتقدروا تحددوا مين الصادق ومين الكذاب ...
هتقدروا تحدووا عيوب ازاى ؟؟؟

افرض مشفتوش بعض هيبقي حب ازاى كده بالعقل !!!!!
اللى بيحب بيبقي نفسه يشوف حبيبه دايما تخيلى هيبقي حب ازاى وهي مشافتوش اساسا وازاى بيقولها بحبك واحنا منعرفش بعض لا شكل ولا اسلوب ولا طبع ولاحتى عارفه هو صادق ولا لا

اسمحلي/اسمحيلي أقول مش حب ده وجع قلب وحيره جامده
3-التوافق

دى نقطه اهم من كله
عرفتى منين انه متوافق معاكى ؟؟؟ ميمكن واحد شغال فى سايبر وبيقولك انا ابن مش عارف مين وعربيتى نوعها كذا ولا يمكن بواب متمدن بيقعد على النت وبيقولك انا فى الفيلا بتاعتنا!!! منتي مشفتيش هتعرفى منين بقي...

طب خلينا نفرض انك شوفتيه وطلع استايل ونضيف او حتى عادى مناسب معاكى مش شرط كده
مستواه العلمى متناسب معاكى هتقول اه عرفتى منين وانتى مشفتيش؟؟؟ بالأحساس يعني؟؟؟

طب ومستواه الاجتماعى بيقولك انا ساكن فى حته نضيفه وهو ساكن فى منطقه بيئه هتعرفى منين هتمشي وراه بقي؟؟
ولا اصحابه ميمكن مصاحب ناس وحشه دى هتعرفيها منين وكذلك مع الاولاد هتعرف منين!!!

كل ده وكمان ازاى هتقدرى تحدددى مدى التوافق الفكرى وانت متعرفيش طبعه ولا اخلاقه !!!!
يا جماعه الحب مش كلمه سهله
الحب احساس مش سهل نحسه بلاش نخلى مشاعرنا رخيصه لاى حد منعرفوش !!! كل حاجه ليها وقتها ... انت مش بتخش الجامعه غير لما تعدى على الابتدائى والاعدادى والثانوى صح؟؟الحب برده كده ليه وقته الصح

كتير بنحب فى اوقات غلط واحنا مش حاسين ومش بنحس ده غير بعد مننجرح بلاش نخسر اجمل مشاعر جوانا
في الاخر انا عايزه أوضح ان النت ممتاز جدا في توصيل المشاعر الصادقة وبيسهلها جدا بين اتنين يعرفو بعض بجد والصدق فعلا موجود بينهم وطبعا مابيكونش العلاقة بتاعتهم مبنية على النت ومن النت وكل عيشتهم على النت وعايزيين يفضلو يحبو على النت بس!!! نووو

لا هانقول انة وسيلة زيادة لتقريبهم ببعض يعني بعد مايشوفوا بعض ويعرفوا بعض ... ممكن يكلموا على النت برده ... والميزة انهم فعلا من الاول صادقين فهايكون النت وسيلة ذهبية ليهم
وانا شوفت في الحقيقة امثلة بضرب بيها المثل في الحب لانهم بنو من الاول علاقتهم الحقيقية على الصدق

لكن لو مبني على كذب من الاول هايكون وسيلة غلط وهايضيع الطرفين
دول شوية اسئلة ياريت تسأل نفسك قبل ماتوهم نفسك إنك بتحب!!!

هل انت متاكد ان ارتباطك عاطفيا من النت نابع من الصدق منك ومنها؟؟؟
هل انت متاكد معـــرفه جيده(شكل -اسلوب-طباع)؟؟؟؟
هل انت متاكد من التوافق؟؟؟؟

وطبعا أهم أساس وأهم سؤال... هل ربنا هو الترف التالت في العلاقة ده؟؟؟ هل العلاقة ده مبنية عليه وبيه؟؟؟ ولا إيه؟
لو عرفوا وبنوا علاقتهم بكل الاسس دي اكيد هاتنجح

موضوع جميل جامد بجد يا كوكوو روعه وفعلا عندك حق الصدق بدايه اى طريق ناجح هو اساس اى علاقه ناحجه ومستمره طبعا اهم حاجه فى العلاقه وجود ربنا بينهم لانه هو اللى بيدبركل حاجه وبيكمل والموضوع ده بيكمل موضوعك (من جمعه الله لا يفرقه انسان) بجد مواضيعك كلها رائعه يا كوكو واكتر من روعه وربنا يعوضك ومنتظرين منك مواضيع زى دى دايما لانها بتناقش حاجات مهمه جدا وهادفه

زائر

ميـــــــــــــــرسى يامرمورتى ياقمرى

نت وسيله مساعده للحب ....ولكن ؟؟؟ Herz

عدد المساهمات : 154 تاريخ التسجيل : 02/09/2009

مش عارفة اقولك ايه بس كل كلامك صح

بس سيبك من الحب ممكن نكسب اصدقاء من النت برضو ولا ايه
و اصدقاء كمان جايز متعرفش تكسبهم بره النت
على العموم مواضيعك كلها تحفة نت وسيله مساعده للحب ....ولكن ؟؟؟ 53

زائر

ميرسى يانانا

بس عايز اقولك حاجة انى الصداقة العلاقة الوحيدة الى لو اختارتيها صح ماتتجرحيش

عدد المساهمات : 376 تاريخ التسجيل : 14/01/2010

واو كوكو موضوع حلو اوى وجامد اخر حاجه وفعلا اهم حاجه هى الصداقه والصراحه كمان مش كعلاقه حب بس لا كمان عشان نبنى صداقه كويسه مع الاخرين بجد موضوع تحفه ومرسى اوى على مواضيعك يقمر نت وسيله مساعده للحب ....ولكن ؟؟؟ 63946251

نت وسيله مساعده للحب ....ولكن ؟؟؟ 63946251

» ][[ ‡§‡ ]][ قمه الاخلاص للحب ][[ ‡ §‡ ]][
» افعل ما شئت ولكن
» •.♥.•°احاسيس ولكن °•.♥.•°
» علمتني الورود ولكن