معجزة لامنا ايريني

انا وخطيبي كنا معزومين في فرح واحده قريبته وقررنا نروح الحنه بعربيته هو واسيب عربيتي في البيت والفرح كان في شارعالثوره بالمعادي ويوميها اختلفت انا وخطيبي لأسباب شخصيه وقررت أترك المكان وامشي لوحدي وعرض عليا يوصلني قلتله اسفه انا اقدر اروح لوحدي وقررت الأنفصال منه تمامأ وقلعتله الدبله ومشيت وانا في حاله انهيار واخدت تاكسي ومشيت وانا في السكه خفت لان الساعه كانت اكترمن2بالليل وطلبت من التاكسي يوصلني لموقف الميكروباص ونزلت ركبت ميكروباص متجه للهرم، فيصل
وكانت قاعدين جمبي اتنين واحده محجبه لابسه اسود وشاب معاها وبدات تتكلم معايا وتقولي ماشيه لوحدك لية يا بنتي في الوقت المتأخرده اعدت اقول في بالي سبيني في حالي انتي متعرفيش حاجه وفي الوقت نفسه كنت بكلمها اي كلام علشان ميبانش عليا اني منهاره ولي فكره هيه قالتلي ايه ولي انا قلتها ايه بس حبيت اقصر الكلام معاها لاني كنت دايخه جدأ وصوابع ايدايا بدات في تشنجات عمرها محصلتلي قبل كده،
قالتلي اناخايفه علي مصلحتك وانتي مش طيقاني
وقالت للسواق نزلني ياابني هنا نزلها هي والشاب الي كان معاها وبصيت لقيت الميكروباص كله فضي ومكنش فيه غير السائق وواحد صحبه كان راكب معاه سعتها خفت اكتر واتمنيت ان الست دي مكنتش نزلت وحولت امسك نفسي علشان مايخدوش بالهم اني منهاره بس هما حسو بيا وقالولي انتي كويسه ولا ايه وسمعت منهم بعض كلمات تخوف والموبايل كان بيرن ومكنتش برد عليه وفعلأ بدي الشاب اللي مع السائق يعاكسني ويقولي متردي وكلام خارج وطلبت من السائق ينزلني لكن قالي معلش متزعليش احنا هنوصلك ولكن ماكنت مصدقه لانه كان ماشي في طريق معرفهوش وفجئه لقيت عربيه شرطه بتوقف الميكروباص ونزل منها اتنين ضباط واتنين امناء شرطه واخدو الاتنين معاهم في العربيه بتهمه احراز مخدرات وتعاطيها وعرفت ان السائق كان مطلوب في جنايه كبيره وسألوني كام سؤال وقالولي هنوصلك وفعلأ وصلوني وقالولي لولا الست وابنها الي كانو راكبين معاكي بلغونا ان العيال دي معاها مخدرات وممكن يئزوكي الله اعلم كان بقي مصيرك ايه قلتله شكلها ايه الست دي قالي اللي محجبه ولآبسه اسود في اسود فرد الأمين وقاله لا يا باشا دي كانت لابسه صليب كبيردي مسيحيه وسعتها عرفت مين هي اللي كانت راكبه معايا ووصلتني لحد البيت يمكن انا مش عارفه مين الي كان معاها كويس لكن انا متأكده منها لاني قارنت كلامها في بالي بصوتها اللي في التسجيلات بتعتها

جينا غالي 5/9/2008
بركة شفاعتها تكون معانا كلنا تفرح قلوبنا و تتشفععنا قدام عرش اللة تذكار النياحة يوم الجمعة31-10-2008

شفاعتك ياتماف معانا ربنا يباركك على المعجزات الجميلة دى وصلوات وشفاعة امنا تماف معاك

» معجزة رائعة جدا يرويها امنا ايريني
» امنا ايريني تسرق السي دي !!!!!!!!!!!!!!!!!!!!!!!!
» قصة جميلة حصلت بين امنا ايريني والبابا كيرلس
» معجزة 1
» معجزة